وەزارەتی دارایی و ئابووری لە دابەشکردنی مووچەی مانگی ئەیلوول بەردەوامە.
بەپێی خشتەی دابەشکردنی مووچە کە لەلایەن وەزارەتی دارایی و ئابووری بلاوکراوەتەوە، سبەی یەکشەممە 16-10-2022، هەریەک لە وەزارەتی پلان دانان، بازرگانی و پیشەسازی، سامانە سروشتییەکان، گواستنەوە و گەیاندن، کشتوکاڵ و سەرچاوەکانی ئاو مووچەکانیان وەردەگرن.
جێی باسە، دابەشکردنی مووچەی مانگی ئەیلوول لە 04ـی ئەم مانگە بە وەزارەتی تەندروستی دەستیپێکرد و بڕیاریشە 24-25ـی ئەم مانگە بە مووچەی خانەنشینی پێشمەرگە کۆتایی پێبێت.
