رێکەوتنێکی هاوبەش لە نێوان وەزیری پێشمەرگەی حکومەتی هەرێم و هێزەکانی ئەڵمانیا لە بواری دابینکردنی هاوکاری پزیشکی و لۆجیستی بۆ نەخۆشخانەکانی پێشمەرگە واژۆ کرا.
ئەمڕۆ سێشەممە 07-09-2022، شۆرش ئیسماعیل وەزیری پێشمەرگە لەگەڵ هەریەک لە جێگری نوێنەری نەتەوەیەکگرتووەکان و بەرپرسی راوێژکارانی هاوپەیمانان و تیمی راوێژکارانی ئەڵمانیا لە هەرێم بە جیا کۆبووه‌وه
وەزیری پێشمەرگە لە دیدارەکەدا سوپاس و ستایشی هەوڵەکانی نەتەوە یەکگرتووەکانی بۆ پاڵپشت و پشتیوانی حکومەتی هەرێم و پاراستنی ئاسایش و سەقامگیری ناوچەکە کرد.
هاوکات، لە سەرەتای دیدارەکەدا شۆرش ئیسماعیل، وەزیری پێشمەرگەی حكومه‌تی هه‌رێم پێشوازی لە کۆڵۆنێڵ سۆریا، بەرپرسی نوێی راوێژکارانی سەربازی هاوپەیمانان لە هەرێم كرد و لە سەرەتای دیدارەکەشدا پیرۆزبایی و دەستبەکاربوونی لە ئەرکی نوێیدا کرد.
وەزیری پێشمەرگە هیوای خواست کە رۆڵی هێزەکانی هاوپەیمانان لە هەرێم بەردەوام بێت و لەگەڵ ئەمەشدا لە پرۆسەی چاکسازی و یەکخستنەوەی هێزەکان و رووبەڕووبوونەوەی تیرۆر لە ناوچەکەدا سوپاسی پشتیوانییەکانی هاوپەیمانانی کرد.
