رووسیا.. لەمیانی هێرشێکی چەکداری بۆسەر خوێندنگەیەک 10 کەس کوژران
  • TEBA KURDİ
  • جیهان
  • رووسیا.. لەمیانی هێرشێکی چەکداری بۆسەر خوێندنگەیەک 10 کەس کوژران

رووسیا.. لەمیانی هێرشێکی چەکداری بۆسەر خوێندنگەیەک 10 کەس کوژران

كانونی دووه‌م 31, 2023 20:42
رووسیا.. لەمیانی هێرشێکی چەکداری بۆسەر خوێندنگەیەک 10 کەس کوژران
0

لایک

وه‌زاره‌تی ناوخۆی رووسیا رایگه‌یاند، کەسێک به‌ چه‌كه‌وه‌ هێرشی كردووه‌ته‌سه‌ر خوێندنگەیەک له‌ شاری ئایزڤسک سەربە ویلایەتی ئودمورتیا و له‌ ئه‌نجامدا 9 کەسی کوشتووە و 20 كه‌سی دیكه‌شی برینداركردووه‌، دواتریش بە فیشەکێک کۆتایی بە ژیانی خۆی هێناوە.

وەزارەتی ناوخۆی رووسیا ئەوەشی ئاشکراکردووە، تائێستا هۆكاری هێرشه‌كه‌ نه‌زانراوه‌ و لێكۆڵینه‌وه‌یان له‌ رووداوه‌كه‌ ده‌ستپێكردووه‌، تیمه‌كانی فریاگوزاری خێراش چوونه‌ته‌ شوێنی رووداوه‌كه‌ له‌ پێناو به‌هاناوه‌ چوونی برینداره‌كان.

لێژنەی لێکۆڵینەوەی رووسیای فیدراڵی رایگەیاند، 10 کەس کوژراون کە لە ”5 منداڵ، دوو مامۆستا و دوو پاسەوانی قوتابخانە لەگەڵ هێرشکارەکە” پێکهاتوون.

ئەلێکساندەر برێچالۆڤ، قایمقامی ئودمورتیا رایگەیاند، چەکدارەکە دوای هێرش کردنە سەر قوتابخانەکە خۆی کوشتووە، تا ئێستاش ناسنامەی کەسەکە بە دیار نەکەوتووە.

خوێندنگەکە دەکەوێتە شاری ئیژێڤسکی لە هەرێمی ئودمیریتا لە ناوەڕاستی رووسیا.