مه‌زهه‌ر محه‌مه‌د ساڵح راوێژكاری مستەفا کازمی سه‌رۆکوه‌زیرانی عێراق بۆ كاروباری دارایی رایگەیاند، بەهۆی بەرزبوونەوەی نرخی نەوت داهاتی عێراق بۆ ئەمساڵ 20 ملیار دۆلار زیاد دەکات.
مەزهەر محەمەد ئاماژەی بەوە کرد، بەهۆی ئەوەی عێراق سەرجەم قەرزەکانی داوەتەوە و نرخی نەوتیش بە شێوەیەکی بەرچاو بەرزبووەتەوە، داهاتی عێراق لەمساڵدا 20 ملیار دۆلار زیاد دەکات.
راوێژکارەکەی کازمی باسی لەوەش کرد، ئەو پارە زیادەیە تەرخان دەکرێت بۆ ساڵانی داهاتوو، لە ئەگەری دابەزینی نرخی نەوت یان هەر قەیرانێکی دیکە کە ڕوو لە عێراق بکات.
