کارگێریی یانەی پاریس سان جێرمان ـی فەڕەنسی رایگەیاند، کریستۆف گالتییەر بە راهێنەری نوێی یانە فەڕەنسییەکە بۆ تۆپی پێ دەست نیشان کراوە.
لەراگەیەندراوێکدا کارگێڕیی یانەی پاریس سان جێرمان باسی لەوەکردووە کە گرێبەستێک بۆ ماوەی دوو ساڵ لەگەڵ راهێنەری فەڕەنسی، گالتییەر واژووکراوە.
پێشتر کریستۆف گالتییەری تەمەن 55 ساڵان لە ژیانی وەرزشیدا راهێنەرایەتی بۆ هەریەک لە یانەکانی سانت ئیتیان (لە ساڵەکانی 2009-2017)، لیل (2017 – 2021) و نیس (2021 – 2021) کردووە.
شایەنی باسە گالتییەر کە لە وەرزی 2020 – 2021ـدا، سەرپەرشتیاری یانەی لیل-ی کرد، توانی یانەکەی بگەیەنێتە یاری کۆتایی جامی فەڕەنسا و پلەی پێنجەم لە خولی فەڕەنسا (Ligue 1) بۆ یانەکەی دەستەبەر بکات.
لەگەڵ ئەو گرێبەستە، کریستۆف گالتییەر شوێنی راهێنەر ماوریسیۆ پۆچیتینۆ-ی گرتەوە کە لە وەرزی رابردوودا لەگەڵ پاریس سان جێرمان نازناوی خولی فەڕەنسا بۆ تۆپی پێ بەدەستهێنابوو.
