دوو یاری کلاسیکۆ بەڕێوەدەچێت

دوو یاری کلاسیکۆ بەڕێوەدەچێت

كانونی دووه‌م 31, 2023 20:40
دوو یاری کلاسیکۆ بەڕێوەدەچێت
0

لایک

دوای نیوه‌ڕۆی ئه‌مڕۆ دووشه‌م تیروپشكی قۆناغی پێش كۆتایی جامی شای ئیسپانیا به‌ڕێوه‌چوو، له‌ تیروپشكه‌كه‌دا هه‌ردوو یانه‌ی به‌رشه‌لۆنه‌ و ریال مه‌درید كه‌وتنه‌ به‌رامبه‌ر یه‌كتر.

ئه‌نجامی تیروپشكه‌كه‌ به‌مشێوه‌یه‌ بوو، ریال مه‌درید و به‌رشه‌لۆنه‌، ئه‌تله‌تیك بیلباو و ئۆساسۆنا، یارییه‌كانیش به‌ یاریی چوون و هاتن ئه‌نجام ده‌درێن.

به‌مه‌ش یاریی یه‌كه‌می كلاسیكۆ له‌ قۆناغی پێش كۆتایی جامی شای ئیسپانیا له‌نێو یاریگه‌ی سانتیاگۆ بێرنابیۆ له‌ ڕۆژی 2ی مانگی 3 ئه‌نجام ده‌درێت، یاریی گه‌ڕانه‌وه‌ش له‌نێو یاریگه‌ی دووه‌می كامپ نوو له‌ رۆژی 5ی مانگی 4 به‌ڕێوه‌ ده‌چێت.

یانه‌ی به‌رشه‌لۆنه‌ به‌ بردنه‌وه‌ی له‌ یانه‌ی ریال سۆسیداد به‌ گۆڵێكی بێ وه‌ڵام، خۆی گه‌یاندبووه‌ قۆناغی پێش كۆتایی جامی شای ئیسپانیا، یانه‌ی ریال مه‌دریدیش به‌ ئه‌نجامی 3-1 گۆڵ له‌ یانه‌ی ئه‌تله‌تیكۆ مه‌دریدی بردبووه‌وه‌.