دووبارە شەپۆلێكی چڕی خۆڵبارین عێراق دەگرێتەوە
  • TEBA KURDİ
  • عێراق
  • دووبارە شەپۆلێكی چڕی خۆڵبارین عێراق دەگرێتەوە

دووبارە شەپۆلێكی چڕی خۆڵبارین عێراق دەگرێتەوە

كانونی دووه‌م 31, 2023 20:44
دووبارە شەپۆلێكی چڕی خۆڵبارین عێراق دەگرێتەوە
0

لایک

شەپۆلێكی خۆڵبارینی چڕ كوەیت و سعودیەی گرتووەتەوە و روو لە عێراق دەكات.
ئەمڕۆ سێشەممە شەپۆلێكی خۆڵبارینی چڕ كوەیتی گرتەوە و گەیشتە سعوودیە و كەشوهەوای ئەو دوو وڵاتە گۆڕاون بۆ خۆڵبارینی تەواو و مەودای بینین كورتبووەتەوە، گەشتی فڕۆكەخانەكانیش راگیراون.
دەستەی كەشناسیی عێراق ئاشكرایكرد، ئەو شەپۆلی خۆڵبارینە عێراق دەگرێتەوە و رۆژی هەینیی داهاتوو كاریگەرییەكانی دەردەكەون و خۆڵبارین سەرهەڵدەداتەوە.
بەپێی راگەیەندراوی دەستەكە، سبەینێ چوارشەممە كاریگەرییەكانی خۆڵبارین كەمدەبنەوە و ئاسمان روو لە ساماڵبوون دەكات، بەڵام پلەكانی گەرما بە بەراورد بە ئەمڕۆ سێشەممە بەرزدەبنەوە.
دەستەی كەشناسیی عێراق دەڵێت، لە رۆژی هەینییەوە جارێكی تر رادەی خۆڵبارین زیاددەكات و ئاسمانی سەرتاسەری عێراق تۆزاوی دەبێت و پلەكانی گەرما زیاتر بەرزدەبنەوە.