ئەمڕۆ سێشەممە، ئەنجومەنی باڵای دادوەری رایگەیاند، بەشێوەیەکی ئاسایی دەستمان بە کارەکانمان کردووە، لە سبەی چوارشەممەوە هەموو رێکارێک دەگیرێتەبەر بەرامبەر ئەو کەسانەی کە پێشێلی یاسایان کردووە و بوونەتە هەڕەشە بۆسەر دامودەزگا گشتییەکان.
ئەنجومەنەکە لە بەیاننامەیەکدا رایگەیاندووە، “دوای کشانەوەی خۆپیشاندەران لە دەوروبەری باڵەخانەی ئەنجومەنی باڵای دادوەری و دادگای باڵای فیدڕاڵی، بڕیارماندا لە بەیانی سبەی چوارشەممە کە دەکاتە 24-08-2022، کارەکانمان بەشێوەیەکی ئاسایی دەستپێبکەینەوە”.
لە بەیاننامەکەدا ئاماژە بەوەشکراوە، “بەمبۆنەیەوە، سوپاس و پێزانینی تەواومان بۆ هەموو لایەنە ناوخۆیی و دەرەکییەکان دووپاتدەکەینەوە، کە رێز لە یاسا و دەستوور دەگرن، لە بەرامبەریشدا ئەنجومەنی باڵای دادوەری ئیجرائاتی جیددی بەرامبەر هەموو ئەو کەس و لایەنانە دەگرێتەبەر کە دەستیان لە تێکدانی سەقامگیری و پێشێلکردنی یاسا هەبووە”.
جێی باسە ئەمڕۆ سێشەممە، ژمارەیەکی زۆر لە لایەنگرانی رەوتی سەدر ، لە بەردەم باڵەخانەی ئەنجومەنی باڵای دادوەری گردبوونەوە لە ناوچەی سەوز لە بەغداد.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
