ئەمڕۆ چوارشەممە 17-08-2022، نرخی دۆلار دابەزینی بەخۆیەوە بینی و دوای چەندین مانگ نرخی 100 دۆلار بۆ خوار 148 هەزار دینار دابەزی.
دوای کاتژمێر 03:00ـی دوانیوەڕۆی ئەمڕۆ چوارشەممە لە بۆرسەکانی بەغداد 100 دۆلاری ئەمریکی بەرامبەر بە 147 هەزار و 950 دینار مامەڵەی پێوەکرا.
هەروەها لە پارێزگای هەولێر(ئەربیل) نرخی 100 دۆلار بەرامبەر بە 148 هەزار دینار مامەڵەی پێوەکرا.
ئەمە لەکاتێکدا کە بەیانی ئەمڕۆ چوارشەممە 100 دۆلار بەرامبەر بە 148 هەزار و 150 دینار مامەڵەی پێوەکرابوو.
جێی باسە، دابەزینی نرخی دۆلار دوای دەستلەکارکێشانەوەی وەزیری دارایی عێراق دێت، کە بە کاراکتەری سەرەکی گۆڕینی بەهای دۆلار بەرامبەر دینار لە عێراق دادەنرێت.
