به‌ڕێوه‌به‌رایه‌تی به‌رگری شارستانی سۆران رایگه‌یاند، دوای دوو رۆژ له ونبوونی مێردمنداڵێكی ته‌مه‌ن 15 ساڵ، ته‌رمه‌كه‌ی له رووباری گه‌لی عه‌لی به‌گ له‌لایه‌ن تیمه‌كانی مه‌له‌وانیه‌وه دۆزرایه‌وه.
له راگه‌یه‌ندراوێكدا به‌رگری شارستانی سۆران بڵاویكرده‌وه، “رۆژی شەممە ئاگاداركراینه‌وه كه‌وا ته‌رمێک له رووباری گه‌لی عه‌لی به‌گی سه‌ر به قه‌زای سۆران سه‌ر ئاو كه‌وتووه، ده‌ست به‌جێ تیمه‌كانی مه‌له‌وانی سه‌ر به به‌رێوه‌به‌رایه‌تی به‌رگری شارستانی سۆران ده‌رچوون بۆ شوێنی رووداوه‌كه”.
ئەوەشی روونکردەوە، “به هاوكاری هێزه‌كانی پۆلیس و چه‌ند هاووڵاتیه‌ک كه له‌و شوێنه ئاماده‌ییان هه‌بوو و سه‌رقاڵی راوه‌ماسی بوون، توانرا ته‌رمه‌كه له رووبارەکە ده‌ربهێنن و ره‌وانه‌ی پزیشكی دادی سۆران بكرێت”.
جێی باسە، به‌پێی راپۆرتی تیمه‌كانمان هاووڵاتیه‌كه ناوی (عه‌باس سادق میكائی)ـله ته‌مه‌نی 15 ساڵه و دانیشتووی گوندی (كیله‌بی) سه‌ر به قه‌زای ئاكرێیه، به‌وته‌ی كه‌سوكاری ماوه‌ی دوو رۆژه ون بووه و دیارنه‌ماوه.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
