محه‌مه‌د حه‌لبوسی، سه‌رۆكی په‌رله‌مانی عێراق رایگەیاند، پەیامەکەی ئەمڕۆی موقتەدا سەدر بۆ رووبەڕووبوونەوەی گەندەڵی، هێشتنەوەی چەک تەنها لە دەستی دەوڵەت و دوورخستنەوەی ئەوانەی پێشوتر تاقیکراونەتەوە لە سەرۆکایەتی حکومەتدا، “نه‌خشه‌رێگایه‌کی نیشتیمانییە بۆ هەمو لایەنەکان و پرۆسەی سیاسی عێراق پێویستی بە قۆناغێکی تازە هەیە”.
محه‌مه‌د حه‌لبوسی ئەمڕۆ هەینی لە پەیامێکدا باسی لەوەشكرد، پەیامەکەی ئەمڕۆی موقتەدا سەدر، رێبەری رەوتی سەدر نه‌خشه‌رێگایه‌كی نیشتمانییە بۆ هەمو لایەنە سیاسییەکانی عێراق بۆ ئەوەی کاری لەسەر بکەن.
ئەوەشی خستوەتەڕوو، “پرۆسه‌ی سیاسی پێویستی به قۆناغێكی نوێیه كه تێیدا هێزه سیاسییه‌كان چاره‌سه‌ری هه‌ڵه‌و تاوانه‌كان بکەن، دور له گرێی پیلانگێڕی گه‌ردونیی كه هه‌ندێک تێیدا ده‌ژین”.
ئەمڕۆ رێبەرى رەوتى سەدر 10 داواکاریی ئاراستە ئەو لایەنانە کرد کە دەیانەوێت حکومەت پێکبهێنن، لەوانەش دوبارە رێکخستنەوەى حەشدی شەعبی، هەڵوەشاندنەوەى گروپە چەکدارەکان، دورکەوتنەوە لەوەى بەرپرسیاریەتی بدرێتە ئەو کەسانەى پێشتر تاقیکراونەتەوە. داواشی لەو لایەنانە کرد کە بەئاشکرا گەندەڵکارەکانیان سزا بدەن.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
