تەقینەوەیەک لە باڵیۆزخانەی ئۆکرانیا لە ئیسپانیا روویدا

0

لایک

0

پۆلیسی مه‌درید-ی پایته‌ختی ئیسپانیا رایگه‌یاند، ته‌قینه‌وه‌یه‌ک له‌ نزیک باڵیۆزخانه‌ی ئۆكرانیا روویداوه‌ و به‌هۆیه‌وه‌ یه‌كێک له‌ كارمه‌ندانی باڵیۆزخانه‌كه‌ به‌سه‌ختی برینداربووه‌.

به‌پێی هەواڵێکی کەناڵی TVE، پۆلیسی پایته‌ختی ئیسپانیا له‌ راگه‌یه‌ندراوێكدا ئاماژەی بەوەکردووە، ته‌قینه‌وه‌یه‌ک له‌ نزیک باڵیۆزخانه‌ی ئۆكرانیا روویداوه‌ و بەهۆیەوە کارمەندێکی باڵیۆزخانەکە برینداربووە و راستەوخۆش گواستراوەتەوە نەخۆشخانە.

بەپێی لێکۆڵینەوەکان، پاش ئه‌وه‌ی تیمه‌كانی لێکۆڵینەوە چوونه‌ته‌ شوێنی رووداوه‌كه‌ و داتا و گرته‌ ڤیدیۆییه‌كانیان ته‌ماشاكردووه‌ته‌وه‌، دركیان به‌وه‌ كردوه‌ كه‌سێک له‌ كامێراكانی چاودێرییه‌وه‌ ده‌ركه‌وتووه‌ و نامه‌یه‌كی داوه‌ته‌ به‌رپرسانی باڵیۆزخانه‌كه‌، پاش ئه‌وه‌ش ته‌قینه‌وه‌یه‌ک روویداوه‌.

پۆلیسی مەدرید ئه‌وه‌ی روونكردووەته‌وه‌، پاشماوه‌ی ته‌قنه‌وه‌كه‌ بووه‌ته‌ هۆی ئه‌وه‌ی ده‌ستگه‌یشتن به‌ باڵه‌خانه‌ی باڵیۆزخانه‌ی ئۆكرانیا قورسبووه‌ و له‌ ئێستاشدا لێكۆڵینه‌وه‌كانیان له‌ هۆكاری روودانی ته‌قینه‌وه‌كه‌ ده‌ستیانپێكردووه‌.