بەغداد.. رێگری دەکرێت لە فڕۆشتنی منداڵێکی 5 ساڵان لەلایەن دایک و باوکییەوە
  • TEBA KURDİ
  • عێراق
  • بەغداد.. رێگری دەکرێت لە فڕۆشتنی منداڵێکی 5 ساڵان لەلایەن دایک و باوکییەوە

بەغداد.. رێگری دەکرێت لە فڕۆشتنی منداڵێکی 5 ساڵان لەلایەن دایک و باوکییەوە

دادوه‌ر منداڵه‌كه‌ی راده‌ستی خانه‌ی بێسه‌رپه‌رشتان كردووە

كانونی دووه‌م 31, 2023 20:43
بەغداد.. رێگری دەکرێت لە فڕۆشتنی منداڵێکی 5 ساڵان لەلایەن دایک و باوکییەوە
0

لایک

له‌ مانه‌ی چالاكییه‌كی ئاژانسی هه‌واڵگری عێراق، هه‌وڵی فرۆشتنی منداڵێک لەلایەن دایک و باوکییەوە بە 5 هه‌زار دۆلاری ئه‌مه‌ریكی، پووچەڵکرایه‌وه‌.

ئاژانسی هه‌واڵگری عێراقی سه‌ر به‌ وه‌زاره‌تی ناوخۆی ئه‌م وڵاته‌یه‌ رایگه‌یاند، به‌پشتبه‌ستن به‌ زانیارییه‌ هه‌واڵگرییه‌كان و له‌ رێگه‌ی بۆسه‌یه‌كی تونده‌وه‌ باوكێک ده‌ستگیركرا، كه‌ له‌رێگه‌ی سۆشیاڵ میدیاوه‌ منداڵه‌كه‌ی بۆ فرۆشتن نمایش كردبوو.

ئەوەش هاتووە، باوكه‌كه‌ به‌ر له‌وه‌ی بچێته‌ به‌غداد، باسی له‌وه‌ كردووه‌، كه‌ “باوكی ئه‌و منداڵه‌ نییه‌ و به‌ 4 هه‌زار دۆلاری ئه‌مه‌ریكی له‌ خانه‌یه‌كی بێسه‌رپه‌رشتان كڕیوویه‌تی”.

به‌ گوێره‌ی راگه‌یه‌ندراوه‌كه‌ی هه‌واڵگری عێراق، دوای ده‌ستگیركردنی، تاوانبار قسه‌كانی گۆڕیووه‌ و دادوه‌ر منداڵه‌كه‌ی راده‌ستی خانه‌ی بێسه‌رپه‌رشتان كردووە.