بەهۆی کۆتایی هاتنی ساڵی ژمێریاری بۆ ماوەی 12 رۆژ، مامەڵەی هاوڵاتییان لە بەڕێوەبەرایەتیی هاتوچۆی هەولێر رادەگیرێت.
بەڕێوەبەرایەتیی هاتوچۆی هەولێر لە راگەیاندراوێکدا دەڵێت،” ئاگاداری سەرجەم هاوڵاتییان و شۆفێران دەکەینەوە، به هۆى كۆتايى هاتنى ساڵى ژمێريارى، لە رۆژی پێنجشەممە 21 ی کانونی یەکەم، کاتژمێر یەکی دوای نیوەڕۆ رايیكردنى مامەڵەی هاوڵاتییان لە بەڕێوەبەرایەتیی هاتوچۆی هەولێر بە گشت بەش و هۆبەکانییەوە تاکو 2ی کانونی دووەم ، رادەگیرێت، بۆیە داوا لەهاوڵاتییان دەکەین لەو ماوەیە سەردانمان نەکەن”.
بەپێی راگەیاندراوی بەڕێوەبەرایەتییەکە، هەر مامەڵەیەکیش لە ماوەی ئەو راگرتنە بە سەر بچێت وەک (ساڵیانە و مۆلەت و ماوەی تۆمارکردنى ئۆتۆمبێل )بۆیان قەرەبوو دەکرێتەوە لە دوای دەستپێکردنەوەی دەوام ،وە هیچ کەسێک تووشی پێبژاردن بەهۆی دواکەوتن نابێتەوە.
