ئەمڕۆ شەممە، 14-1-2023 بەڕێوبەرایەتی هەواڵگری سەربازی دەستگیركردنی دووەم بەرپرسی بەناو مەكتەبی حەسبەی چەتەكانی تیرۆریستی داعشی لە پارێزگای كەركوک راگەیاند.
بەڕێوەبەرایەتییەكە لە راگەیەنراوێكدا رایگەیاند، بە پشتبەستن بە زانیاری هەواڵگریی دروست، بۆسەیەكی ورد و تۆكمە لە ناحیەی زاب لە قەزای حەویجە دانرا.
لە راگەیەندراوەكەدا ئاماژە بەوەشكراوە، ئەو بۆسەیە بووەتە هۆی دەستگیركردنی تیرۆریستێكی تاوانبار كە یەكێك بووە لە بەرپرسانی بەناو دیوانی حەسبەی توخمە تیرۆریستییەكانی داعش لە قەزای حەویجە.
ئاماژەی بەوەشكردووە، دوای دەستگیركردنیشی بەپێی ڕێساكان ڕادەستی لایەنە پەیوەنیدارەكان كراوە.
هاوكات شاندێكی باڵای ئەمنیی عێراقی بە سەرۆكایەتی سەرۆک ئەركانی سوپا، فەریقی یەكەم روكن عەبدولئەمیر رەشید یاڕەڵڵا، بەمەبەستی ئاگاداربوون لە رەوشی ئەمنیی كەركووك، گەیشتە پارێزگاكە.
لەوبارەیەوە گوتەبێژی فەرماندەی گشتیی ھێزە چەكدارەكانی عێراق، لیوا یەحیا رەسوڵ لە راگەیەندراوێكدا ئاشكرای كرد، كە فەریقی یەكەم روكن عەبدولئەمیر رەشید یاڕەڵڵا و جێگری فەرماندەیی ئۆپەراسیۆنە ھاوبەشەكان، فەریق روكن قەیس خەڵەف محەمەداوی بەیاوەری ژمارەیەک فەرماندەی سەربازیی و ئەمنیی و ئەفسەرانی وەزارەتی بەرگریی عێراق گەیشتوونەتە پارێزگای كەركووك.
لیوا یەحیا رەسوڵ ئاماژەی بەوەشداوە كە ئامانج لە سەردانەكە، ئاگاداربوونە لە رەوشی ئەمنی پارێزگای كەركوک.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
