بۆ یەکەم جار لە مێژووی تۆپی پێی عێراق، خوولی تۆپی پێی عێراق و جامی عێراق بە کوالیتی بەرز لە تەلەفزیۆنەکان پەخش دەکرێت.
کۆمپانیای عەشتاری عێراقی کە تاکە لایەنی رێگەپێدراوە یارییەکان تۆمار بکات و بە شێوەی راستەوخۆ بگوازێتەوە لەبارەی پلانی داهاتووی روونکردنەوەی دا.
لە روونکردنەوەکەدا هاتووە کە یارییەکان بە کوالیتی FULL HD دەگوازرێنەوە و هیچ کەناڵێک بۆی نییە بەبێ مۆڵەت بیگوازێتەوە.
هەروەها کۆمپانیای عەشتار رایگەیاند خوولی عێراقی لە ٢٥ تشرینی یەکەم دەستپێدەکات و هەر کەناڵێک ئارەزووی گواستنەوەی یارییەکانی هەبێت دەتوانێت گرێبەستیان لەگەڵ واژوو بکات.
