حکومەتی فیدراڵی بڕیاری ناردنی كاروانێكی دیکەی نەوتی سپی ماڵان بۆ هەرێم دەدات و وەزارەتی سامانە سرووشتییەکانی حكومه‌تی هه‌رێمیش رایده‌گه‌یه‌نێت، لە سەرەتای هەفتەی داهاتووە نەوتەکە دەگات.
وەزارەتی سامانە سرووشتییەکانی حكومه‌تی هه‌رێمی كوردستان ئه‌مڕۆ (چوارشه‌ممه 25ـی كانوونی دووه‌م 2023)، راگه‌یه‌ندراوێكی بڵاوكرده‌وه، تێیدا هاتووه: 60 تەنكەر نه‌وت کە دەکاتە دوو ملیۆن لیتر نەوتی سپی، ره‌وانه‌ی هه‌رێمی كوردستان ده‌كرێت، بە هەماهەنگی لەگەڵ پارێزگاكان و ئیدارە سەربەخۆكان بێبەرامبەر بەسەر هاووڵاتییان دابەشدەكرێت.
هه‌روه‌ها وەزارەتی سامانە سرووشتییەکان ئه‌وه‌شی خستووه‌ته‌ڕوو، لەم بڕە نەوتە 30 تەنكەر بۆ پارێزگای هەولێر، دهۆك و ئیدارەی سەربەخۆی سۆران و زاخۆ دابیندەکرێت، هەروەها 30 تەنكەریش بۆ پارێزگای سلێمانی، هەڵەبجە و ئیدارەی سەربەخۆی گەرمیان و راپەرین دابیندەکرێت.
روونیشیكرده‌وه، دوای هاتنی ئەو بڕە نەوتە، چاوەڕواندەکرێت راستەوخۆ نرخی بەهای نەوتی سپی لە بازاڕەكانی هەرێمی كوردستان دابەزێت و پرۆسەی دابەشکردنی نەوتی سپیش خێراتر بکات.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
