بەڕێوەبەری گشتیی تەندروستیی دهۆک رایگه‌یاند، دوای چوار رۆژ مانه‌وه‌ی له نه‌خۆشخانه یه‌كێكی دیكه له بریندارانی ته‌قینه‌وه‌كه‌ی دهۆک به‌یانی ئه‌مڕۆ هه‌ینی گیانی له‌ده‌ستدا.
ئه‌فراسیاب موسا، بەڕێوەبەری گشتیی تەندروستیی دهۆک رایگه‌یاندووە، به‌یانی ئه‌مڕۆ هه‌ینی نێچیرڤان عه‌بدولعه‌زیزی ته‌مه‌ن 25 ساڵ یه‌كێک بوو له بریندارانی ته‌قینه‌وه‌كه‌ی دهۆک به‌هۆی سه‌ختی برینه‌كه‌یه‌وه گیانی له‌ده‌ستدا، له‌ئێستاشدا دوو برینداری دیكه له نه‌خۆشخانه و له‌ژێر چاودێری وردی پزیشكیدا ماون، كه دۆخی ته‌ندروستی یه‌كێكیان ناجێگیره.
نێچیرڤان عەبدولعەزیز بەرپرسی یەكێک لە بەشەكانی كۆمپانیای سیستمی غازە، لەكاتی هەستكردن بەبۆنی غاز لەلایەن خوێندكارانی بەشە ناوخۆییەكەوە پەیوەندی پێوەكراوە، كاتێک گەیشتوەتە شوێنی رووداوەكە و ویستویەتی بەسەر پلیكانەكاندا سەربكەوێت، تەقینەوەكە روویداوە و بەوهۆیەوە بەڕێژەی 95%ی جەستەی سووتا.
كاتژمێر 11:45 خوله‌كی شه‌وی 21ی ئه‌م مانگه، تانكیەکی غاز له‌سه‌مونخانه‌یه‌كی گه‌ڕه‌كی گرێ باسێی دهۆک ته‌قیه‌وه، كه له‌سه‌رووی سه‌مونخانه‌كه به‌شه ناوخۆییه‌ک هه‌بوو، ده‌ستبه‌جێ چوار كه‌س گیانیان له‌ده‌ستدا و 37 كه‌سی دیكه‌ش برینداربوون، پاش گواستنه‌وه‌ی برینداره‌كانیش بۆ نه‌خۆشخانه، دوو لە له‌برینداره‌كان گیانیان له‌ده‌ستدا.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
