ئیوارەی ئەمڕۆ پێنجشەممە، ئالینا رۆمانۆوسكی، باڵیۆزی ئەمریکا لە عێراق رایگەیاند، کارەکانمان بەرەوپێشدەبەین بۆ ئەوەی بگەین هەنگاوبنێین بەرەو ئامانجە هاوبەشەکانمان.
رۆمانۆوسكی لە بەیاننامەیەکدا رایگەیاندووە، “پیرۆزبایی لە محەمەد شیاع سوودانی، سەرۆکوەزیرانی نوێی عێراق دەکەین بەبۆنەی دەستبەکاربوونی لە ئەرکە نوێکەی و هیواخوازین داهاتوویەکی پڕشنگدار چاوەڕوانی عێراق و گەلەکەی بکات لەچوارچێوەی کارە هاوبەشەکانمان”.
ئاماژەی بەوەشکردووە، “هەنگاوی پەیوەندەییەکانمان لەپێناو ئاڵوگۆڕی دیدگای دیموکراتی و پاراستنی سەروەری و ئاسایشی عێراق بەرەوپێش دەبەین”.
