باڵیۆزى ئه‌مریكا له عێراق له هه‌ولێر(ئەربیل) سه‌ردانی سه‌رۆكی هه‌رێمی كرد و نامه‌یه‌كی جۆوبایدن، سه‌رۆكی ویلایه‌ته یه‌كگرتوه‌كانی پێگه‌یاند، كه تیایدا كه تیایدا جه‌خت له پشتگیریى ئه‌مه‌ریكا بۆ عێراق و هه‌رێم كراوه‌ته‌وه.
سه‌رۆكایه‌تی هه‌رێم له‌راگه‌یه‌ندراوێكدا بڵاویكرده‌وه، نیوه‌ڕۆى ئه‌مڕۆ چوارشه‌ممه نێچیرڤان بارزانى پێشوازى له ماسیۆ توله‌ر، باڵیۆزى ئه‌مریكا له عێراق كرد، باڵیۆزى ئه‌مریكا نامه‌یه‌كى سه‌رۆک جۆو بایدنى گه‌یانده نێچیرڤان بارزانى كه تیایدا جه‌خت له پشتگیریى ئه‌مه‌ریكا بۆ عێراق و هه‌رێمى كوردستان كراوه‌ته‌وه.
ئاماژه به‌وه‌شكراوه، هه‌ردولا دۆخى سیاسیى عێراق، هه‌نگاوه‌كانى پڕۆسه‌ى سیاسى و كۆبونه‌وه‌كانى ئه‌نجومه‌نى نوێنه‌رانى عێراق، دۆخى هه‌رێمى كوردستان و پرۆسه‌ى هه‌ڵبژاردنه‌كانى داهاتوى هه‌رێمى كوردستان، په‌یوه‌ندییه‌كانى هه‌ولێر ـ به‌غدا و پێشنبینییه‌كانیان بۆ داهاتوى پڕۆسه‌ى سیاسییان له وڵات تاوتوێ كرد.
له كۆبوونه‌وه‌كه‌دا هه‌ردولا هاوڕابوون له‌سه‌ر پێویستیى هه‌بونى سیسمێكى حوكمڕانیى ته‌ندروست له عێراق له‌سه‌ر بنه‌ماى متمانه و هاوبه‌شیى راسته‌قینه و پابه‌ندیى به ده‌ستور و بنه‌ماكانییه‌وه كه ته‌نیا ڕیگه‌یه بۆ ئارامى و سه‌قامگیرى و جه‌ختیان له گرنگیى بنیاتنانى متمانه و لێكگه‌یشتنى هاوبه‌شى نێوان لایه‌نه عیراقییه‌كان بۆ تێپه‌ڕاندنى دۆخه‌كه و چاره‌سه‌ركردنى كێشه‌كان كرده‌وه.
ئه‌وه‌ش خراوه‌ته‌ڕوو، گفتوگۆى لایه‌نه‌كان له‌سه‌ر یاساى هه‌ڵبژاردن له هه‌رێمى كوردستان، گرنگیى یه‌كڕیزیى لایه‌نه كوردستانییه‌كان له به‌غدا و كارى پێكه‌وه‌یى له‌گه‌ڵ لایه‌نه عیراقییه‌كان، گرنگیى به‌رده‌وامیى گفتوگۆى هه‌ولێر ـ به‌غدا بۆ چاره‌سه‌ركردنى كێشه‌كان، په‌یوه‌ندییه‌كانى هه‌رێمى كوردستان و عێراق له‌گه‌ڵ وڵاتانى ناوچه‌كه، شه‌ڕ و دۆخى ئۆكرانیا و كاریگه‌رییه‌كانى و وتوێژى ڤیه‌ننا له‌سه‌ر دۆسیه‌ى ئه‌تۆمى، چه‌ند ته‌وه‌رێكى دیكه‌ى كۆبونه‌وه‌كه بون.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
