بەرەبەیانی ئەمڕۆ لە قەزای کفری، لە شوێنێکی کۆکردنەوەی ئاسنی کۆن، تەقینەوەیەک روویدا و لەئەنجامدا کوڕ و باوکێک برینداربوون کە برینی یەکێکیان سەختە.
عەلی جەمال قدووری، وتەبێژی پۆلیسی گەرمیان بە میدیا ناوخۆییەکانی راگەیاند، “شوێنێک هەیە لە قەزای کفری، پارچە ئاسنی خوارووی عێراقی بۆ دەهێنن، لەوێ کۆدەکرێنەوە و رەوانەی کارگەکانی ئاسن، دەکرێت، رۆژانە لەم شوێنەدا چەندین کرێکار کار دەکەن، دیارە تەقینەوەیەک لە شوێنەکەدا روویداوە”.
وتیشی، “بەگوێرەی زانیارییە سەرەتاییەکان تەقینەوەکە مینێکی کۆن بووە، بەهۆیەوە دوو کرێکار برینداربوون کە کوڕ و باوکێکن، هەردووکیان رەوانەی نەخۆشخانەکراون کە برینی یەکێکیان سەختە”.
ئاماژەی بەوەشکرد، “دوو کرێکارەکە بەرەگەز عەرەبن، خەڵکی خوارووی عێراقن برینی یەکێکیان باشە ئەوی دیکەیان سەختە، لەنەخۆشخانە چارەسەری پێویستیان بۆدەکرێت”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
