ماڵپەری سەرۆکایەتی هەرێمی کوردستان ئاماژەی بەوەداوە کە ئەمڕۆ شەممە 4ـی6ـی 2022، نێچيرڤان بارزانى، سه‌رۆكى هه‌رێمى كوردستانی عێراق پێشوازیی لە مارينا سێرێنى، جێگرى وه‌زيرى ده‌ره‌وه‌ى ئيتاليا و شاندێكى ياوه‌رى كرد و لەکۆبوونەوەیەکدا په‌يوه‌ندييه‌كانى ئيتاليا له‌گه‌ڵ عيراق و هه‌رێم، دوايين پێشهاته‌كانى دۆخى سياسيى عيراق، په‌يوه‌ندييه‌كانى هه‌ولێر و به‌غداد، دۆخى ناوخۆى هه‌رێمى كوردستانی عێراق، مه‌ترسييه‌كانى تيرۆر و جموجووڵه‌كانى داعش تاوتوێ كران.
هاوکات لە راگەیەندراوەکەی ماڵپەڕی سەرۆکایەتی هەرێم هاتووە، “سه‌رۆك نێچيرڤان بارزانى وێڕاى نيشاندانى خواستى هه‌رێمى كوردستان به بره‌ودان به په‌يوه‌ندييه‌كانى له‌گه‌ڵ ئيتاليا و فراوانكردنى بواره‌كانى هاريكاريى نێوانيان، سوپاس و پێزانينى هه‌رێمى كوردستانى بۆ پشتگيريى مرۆيى و سه‌ربازيى ئيتاليا له عيراق و هه‌رێمى كوردستان له شه‌رى دژى تيرۆردا دووپات كرده‌وه”.
شایەنی باسە لە کۆبوونەوەکەدا هه‌ردوولا هاوڕا بوون له‌سه‌ر گرنگيى هه‌بوونى سه‌قامگيريى ئه‌منى و سياسى و ئابوورى له عيراق و پێويستيى گفتوگۆ و گه‌يشتنى لايه‌نه عيراقييه‌كان به لێكگه‌يشتنێك كه پرۆسه‌ى سياسيى وڵات له بنبه‌ست و چه‌قبه‌ستوويى ڕزگار بكات و حكوومه‌تێك بهێنێته ئاراوه كۆكه‌ره‌وه و وڵامده‌ره‌وه‌ى خواسته‌كانى گه‌ل و پێهكاته‌كانى عيراق بێت.
لە راگەیەندراوەکەدا ئەوەش هاتووە، “خاتوو سێرێنى بانگهێشتى به‌ڕێز وه‌زيرى ده‌ره‌وه‌ى ئيتالياى بۆ سه‌رۆك نێچيرڤان بارزانى دووپات كرده‌وه تا سه‌ردانى ڕۆما بكات و جه‌ختى له‌وه كرده‌وه كه ڕۆژهه‌ڵاتى ناوه‌ڕاست، عيراق و هه‌رێمى كوردستان له ڕيزى پێشه‌وه‌ى بايه‌خ و پرۆگرامى گه‌شه‌پێدان و هاريكاريى ئيتاليادان و وڵاته‌كه‌ى به گرنگييه‌وه له عيراق و هه‌رێمى كوردستان ده‌ڕوانێت”.
هەروەها له كۆوونه‌وه‌كه‌دا كه باڵيۆزى ئيتاليا له به‌غداد و كونسوليان له هه‌ولێر(ئەربیل) ئاماده بوون، ئاماده‌يى و چالاكييه‌كانى ئيتاليا له بوارى كولتوورى و شوێنه‌وارناسيدا له عيراق و هه‌رێمى كوردستانی عێراق، دۆخى سووريا و چه‌ند پرسێكى ديكه‌ى جێى بايه‌خى هاوبه‌ش خرانه به‌ر باس.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
سزای بەسەرچوونی مۆڵەتی شۆفێری گۆڕانکاری بەسەرداهات
4
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
5
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
