بافڵ جەلال تاڵەبانی، سەرۆکی یەکێتیی نیشتمانیی کوردستان رایگەیاند، “عێراق بە دۆخێكی سیاسی هەستیاردا تێدەپەڕێت و ئەركی هەموولایەكە بە رۆحێكی بەرپرسیارانەوە مامەڵە بكەن”.
لەمیانی کۆبوونەوەی نێوان بافڵ تاڵەبانی، سەرۆکی یەکێتی نیشتمانی کوردستان و هادی عامری، سەرۆکی هاوپەیمانی فەتح چەندین پرسی گرنگ سەبارەت بە دۆخی سیاسی و تێپەڕاندنی بەربەستەكان تاوتوێکرا.
دوای کۆبوونەوەی لەگەڵ مەسعود بارزانی، سەرۆکی پارتی دیموکراتی کوردستان لە پیرمام، بافڵ تاڵەبانی چووەتە بەغداد و لەگەڵ هادی عامری کۆبووەوە.
بەگوێرەی راگەیەندراوی نووسینگەی بافڵ تاڵەبانی لە کۆبوونەوەیاندا لەگەڵ هادی عامری، گفتوگۆیان لەبارەی دۆخی سیاسی و تێپەڕاندنی بەربەستەكان كردووە و هەنگاوەكانی تێپەڕاندنی ئەو تەنگەژە سیاسییەی عێراقی تێكەوتووە تاوتوێكراوە.
ئەوەش هاتووە، بافڵ تاڵەبانی جەختی لە گفتوگۆ و رێككەوتنی نیشتمانی كردووەتەوە و لەسەر بنەمای دەستوور و هاوبەشیی راستەقینە.
تاڵەبانی جەختی لەوەکردووەتەوە، “عێراق بە دۆخێكی سیاسی هەستیاردا تێدەپەڕێت و ئەركی هەموولایەكە بە رۆحێكی بەرپرسیارانەوە مامەڵە بكەن و كار بۆ بونیادنانی داهاتوویەكی سەقامگیر بكەن”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
