ئێواره‌ی رۆژی رابردوو له نه‌خۆشخانه‌ی ئێمێرجنسی هه‌ولێر، ئه‌و كچه ته‌مه‌ن 17 ساڵییه‌ی له‌لایه‌ن زڕدایكه‌كه‌ی سووتێنرابوو، به‌هۆی زۆری سووتانه‌كه‌ی و سه‌ختی برینه‌كه‌یه‌وه گیانی له‌ده‌ست دا.
كچه‌كه ناوی ره‌یان مه‌حمود-ـه و تەمەنی 17 ساڵ بوو، رۆژی 24ـی مانگی رابردوو له شاره‌دێی كه‌سنه‌زان له شاری هه‌ولێر(ئەربیل) له‌لایه‌ن زڕدایكه‌كه‌ی سووتێنرابوو.
ره‌یان دوای مانه‌وه‌ی 15 رۆژ له نه‌خۆشخانه‌ی ئێمێرجنسی له شاری هه‌ولێر، ئێواره‌ی دوێنێ دووشەممە گیانی سپارد و ته‌رمه‌كه‌شی راده‌ستی كه‌سوكاری كرایه‌وه.
پێشتر پزیشكه‌كانی نه‌خۆشخانه‌ی ئێمێرجنسی را‌یانگه‌یاندبوو كه رێژه‌ی سووتانه‌كه‌ی ره‌یان 80% بوو.
لای خۆشییه‌وه پۆلیسی هه‌ولێر دوای رووداوه‌كه رایگه‌یاندبوو كه زڕدایكه‌كه‌ی ره‌یان بە ناوی (م، ح، ح) و به‌پێی مادده‌ی 408 له یاسای سزادانی عێراق ده‌ستگیركراوه.
1
مەرجەکانی وەرگرتن لە کولێژی سەربازی ئاشکرا دەکرێت
2
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
3
سزای بەسەرچوونی مۆڵەتی شۆفێری گۆڕانکاری بەسەرداهات
4
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
5
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
