وته‌بێژی پۆلیسی پارێزگای هه‌ولێر رایگه‌یاند، ئه‌و باوكه‌ی كچه ته‌مه‌ن 14 ساڵانه‌كه‌ی كوشت، ئه‌مڕۆ خۆی راده‌ستی هێزه‌كانی پۆلیس كردووه.
هۆگر عه‌زیز، وته‌بێژی پۆلیسی پارێزگای هه‌ولێر ئه‌مڕۆ شه‌ممه له كۆنگره‌یه‌كی رۆژنامه‌وانیدا رایگه‌یاند، “دوای ئه‌وه‌ی ئاگاداركراینه‌وه كه تاوانێكی كوشتن له گه‌ڕه‌كی موفتی رویداوه، ده‌ستبه‌جێ هێزه‌كانمان گه‌یشته شوێنی رووداوه‌كه و لێكۆڵینه‌وه‌كانیان ده‌ستپێكرد و ده‌ركه‌وت كه‌وا كه‌سێک به‌ناوی (ب، ب، ع) ته‌مه‌ن 35 ساڵ كچه‌كه‌ی خۆی كوشتووه”.
ئاماژه‌ی به‌وه‌شه‌كرد، “ئه‌و كچه‌ی كوژراوه ته‌مه‌ن 14 ساڵه و به‌شێوه‌یه‌كی دڕندانه كوژراوه و له‌لایه‌ن باوكییه‌وه پێش كوشتنی ئه‌شكه‌نجه دراوه”.
وته‌بێژی پۆلیسی پارێزگای هه‌ولێر وتیشی، “هێزه‌كانمان تاوه‌كو به‌ره‌به‌یانی ئه‌مڕۆ بڵاوه‌یان پێكرابوو بۆ ده‌ستگیركردنی تۆمه‌تباره‌كه و ئه‌مڕۆ شه‌ممه تۆمه‌تباری بكوژ خۆی راده‌ستی هێزه‌كانی پۆلیس كرد و پەڕاوی لێکۆڵینەوەی بۆ رێکخراوە و رەوانەی دادگە کراوە بۆئەوەی سزای یاسایی خۆی وەربگرێت.”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
