ئەندامانی مەکتەبی سیاسی بەرەی تورکمانی عێراقی هەڵبژێردرا
  • TEBA KURDİ
  • رۆژەڤ
  • ئەندامانی مەکتەبی سیاسی بەرەی تورکمانی عێراقی هەڵبژێردرا

ئەندامانی مەکتەبی سیاسی بەرەی تورکمانی عێراقی هەڵبژێردرا

كانونی دووه‌م 31, 2023 20:44
ئەندامانی مەکتەبی سیاسی بەرەی تورکمانی عێراقی هەڵبژێردرا
0

لایک

لەمیانی کۆنگرەی گشتی بەرەی تورکمانی عێراقی، حەسەن توڕان بە کۆی دەنگەکان وەکو سەرۆکی بەرەی تورکمانی عێراقی دەنگی لەسەردرا و ئەندامانی نوێی مەکتەبی سیاسی هەڵبژێردران.

ئەمڕۆ دووشەممە 23ـی ئایاری 2022، دووەمین کۆنگرەی گشتی بەرەی تورکمانی عێراقی لە شاری کەرکوک بە ئامادەبوونی ئەندامانی ئەو حیزبە بەڕێوەچوو، لە کۆنگرەکەدا هەریەکە لە هەیسەم هاشم موختار ئۆغلو، هیشام بایراقدار، ئایدن مەعروف، ئەمیر عیززەت، ماردین گۆک قایا، سەوسەن جەدوع، محەمەد سەمعان، یەشار عەبدوڵڵا، لوقمان نەجمەدین، ئەمین غەریب و ئوسامە نازم وەکو ئەندامانی مەکتەبی سیاسی هەڵبژێردران.

شایەنی باسە هەریەکە لە عەلی مەهدی، یاوز خورشید و موسلیحەدین عەلی وەکو ئەندامانی یەدەگ لە مەکتەبی سیاسی هەڵبژێردران.

هەروەها هەریەکە لە هەیسەم هاشم موختار ئۆغلو و هیشام بایراقدار وەکو جێگری سەرۆکی بەرەی تورکمانی عێراقی دەستنیشانکران.

دەقی راگەیەندراوی بەرەی تورکمانی عێراقی:

بەرەی تورکمانی عێراقی دووەم کۆنگرەی خۆی بەست و حەسەن توڕان وەکو سەرۆک هەڵبژێردرا

بەیانی کۆتایی دووەمین کۆنگرەی بەرەی تورکمانی عێراقی

لەژێر ناونیشانی “بە ناسنامەی تورکمانیمانەوە پارێزگاری لە یەکێتی عێراق دەکەین”، ئەمڕۆ دووشەممە 23ـی ئایاری 2022، بەرەی تورکمانی عێراقی دووەمین کۆنگرەی خۆی لە هۆڵی “القصر الابيض” لە شاری کەرکوک بە ئامادەبوونی بەڕێز سەرۆک حەسەن توڕان و جێگرانی هەریەکە لە بەڕێز هەیسەم هاشم موختار ئۆغلو و بەرێز هیشام بایراقدار و ئەندامانی مەکتەبی سیاسی، بەرپرسی لقەکان و مەکتەبەکانی حیزب لە سەرجەم پارێزگاکان، کادیران و ئەندامانی بەرەی تورکمانی و بە ئامادەبوونی لێژنەی تایبەتمەندی نوسینگەی کەرکوکی کۆمیسیۆنی باڵای سەربەخۆی هەڵبژاردنەکان و هۆبەی کاروباری حیزب و رێکخراوە سیاسییەکان بەست.

کۆنگرەکە بە خویندنەوەی سورەتی فاتیحە بۆ رووحی شەهیدانی عێراق و تورکمان، دواتریش بە سروودی نیشتیمانی عێراق و سروودی نەتەوەیی تورکمانی دەستیپێکرد.

دواتر سەرۆکی بەرەی تورکمانی عێراقی وتارێکی پێشکەشکرد لەبارەی بەرەی توورکمانی عێراقی و خەبات و خزمەتەکانی کادرانی ئەو حیزبە لە خەباتی سیاسی بەرزنرخاند و ئاماژەی بەوەدا کە درێژە بە ڕێبازی نەتەوەیی و نیشتیمانی خۆی دەدات لە بەرگریکردن لە مافەکانی گەلی تورکمان، بەرەی تورکمانی عێراقی نوێنەرایەتی پرۆژەی سەرەکی تورکمانی عێراقە و پارێزەری متمانەپێکراوە بۆ پارێزگاریکردنی لە مافەکانی گەلی تورکمان، هەروەها بەردەوامدەبێت لە پاراستنی نەگۆڕە نەتەوەییەکانی و هێزی خەڵکی تورکمانی بەدواوەیە لە سەرجەم شار و شارۆجکەکانی تورکمان ئێلی.

لە کۆنگرەکەدا پرۆسەی دەنگدان ئەنجامدرا بۆ هەموارکردنەوەی پەیڕەوی ناوخۆی حیزب، دواتر پرۆسەی دەنگدان بۆ هەڵبژاردنی ئەندامانی مەکتەبی سیاسی بەڕێوەچوو، ئەنجامەکە بەو شێوەیەی خوارەوەیە:
١.حەسەن توڕان بەهائەدین سەعید
٢.هەیسەم هاشم نوری حەسەن
٣.هیشام مستەفا تەها محەمەد
٤.ئایدن مەعروف سەلیم ئەحمەد
٥.ئەمیر عیززەت عەبدوڵا محەمەد
٦.یەشار عەبدوڵڵا مەحمود عەبدوڵڵا
٧.قاسم محەمەد ێونس محەمەد
٨.لوقمان نەجم ئەحمەد نەجم
٩.ئەمین غەریب محەمەد عەباس
١٠.سەوسەن عەبدولواحید شاکر
١١.ماردین تەحسین عەبدولرەحمان شەریف
١٢.محەمەد سەمعان کەنعان یوسف
١٣.ئوسامە نازم ئیبراهیم عەباس

داواتر بەڕێز حەسەن توران وەکو سەرۆکی بەرەی تورکمانی عێراقی هەڵبژێردرا.

بەرەی تورکمانی عێراقی بەڵێن بە گەلی تورکمان دەدات کە بەردەوامبێت لەسەر رێڕەوی خۆی و پرۆژەی سیاسی خۆی لەپێناو بەدەستهێنانی مافی گەلی تورکمان و هەڵدەستێت بە رۆڵی کاریگەریی خۆی لە پرۆسەی سیاسی عێراق بە بڕوابوونی بە دەستووری عێراقی و بنەماکانی دیموکراسیەت و شەراکەت کە بڕیاردانی نیشتمانی عێراقی.

دواجار بەرەی تورکمانی عێراقی رۆڵی هێز و دەزگا ئەمنییەکان بەرز دەنرخێنێت بەهۆی سەرکەوتنی کارەکانی کۆنگرە.

بەرەی تورکمانی عێراقی
نوسینگەی راگەیاند
کەرکوک 23ـی ئایاری 2022