ئەنجومەنی وەزیران گفتوگۆ لەبارەی شەش بابەت دەکات
  • TEBA KURDİ
  • عێراق
  • ئەنجومەنی وەزیران گفتوگۆ لەبارەی شەش بابەت دەکات

ئەنجومەنی وەزیران گفتوگۆ لەبارەی شەش بابەت دەکات

فەرمانگەی میدیا و زانیاری حکومەتی هەرێمی کوردستانی ێراق رایگەیاند، ئەمڕ ئەنجومەنی وەزیران کۆبوونەوەی هەفتانەی خۆی دەکات و شەش بابەت دەخرێتە بەرباس.

كانونی دووه‌م 31, 2023 20:43
ئەنجومەنی وەزیران گفتوگۆ لەبارەی شەش بابەت دەکات
0

لایک

لە راگەیەندراوێکدا فەرمانگەی میدیا و زانیاری حکومەتی هەرێمی کوردستانی عێراق ئاماژەی بەوەدا کە ئەمڕۆ چوارشەممە ڕێکەوتی 17ـی ئابی ٢٠٢٢، ئەنجومەنی وەزیرانی هەرێم بە سەرۆکایەتی مەسرور بارزانی، سەرۆکی ئەنجومەنی وەزیران کۆبوونەوەی هەفتانەی خۆی ئەنجام دەدات.

بڕیار وایە لە کۆبوونەوەکەدا ئەم بابەتانەی خوارەوە تاوتوێ بکرێت:

1. خسـتنەڕووی دەرئەنجــامی سەردانی شاندی هەرێمی کوردستان بەسەرۆکایەتیی مەسرور بارزانی، سەرۆکی ئەنجومەنی وەزیران بۆ بەغدا لە ڕۆژی 23ـی تەمموزی 2022 و کۆبوونەوە لەگەڵ سەرۆکی ئەنجومەنی وەزیران و سەرۆکی ئەنجومەنی باڵای دادوەری و سەرۆکی ئەنجومەنی نوێنەران.

2.خستنەڕووی پوختەی سەردانی وەزیری ڕۆشنبیری و لاوان بۆ وڵاتی ئەرمینیا.

3.خستنەڕووی پوختەی سەردانی شاندی سەربازی هەرێم بۆ بەریتانیا و ویلایەتە یەکگرتووەکانی ئەمریکا.

4.خستنەڕووی پوختەیەک سەبارەت بە داوا ناڕەواکانی وەزارەتی نەوتی عێراقی فیدراڵ لەبەرامبەر وەزارەتی سامانە سروشتییەکان و کۆمپانیا نێودەوڵەتییەکانی بواری نەوت و غاز لە هەرێمی کوردستان و ڕێکارەکانی حکومەتی هەرێمی کوردستان لەو بارەیەوە.

5.خستنەڕووی ڕاپۆرتی وەزیری شارەوانی و گەشت و گوزار سەبارەت بە دۆخی خزمەتگوزاری دابینکردنی ئاوی پاک بۆ هاووڵاتییان.

6.خستنەڕووی چەند پێشنیارێکی تایبەت بە جێبەجێ كردنی بابەتی خانەنشینی پلە تایبەت و پلە باڵاکان لە یاسای چاکسازی ژمارە 2ـی ساڵی 2020.