ئەنجومەنی وەزیران راگەیەندراوێک لەبارەی هێرشەکەی سەر هاوینەهەواری پەرەخێ بڵاودەکاتەوە
  • TEBA KURDİ
  • رۆژەڤ
  • ئەنجومەنی وەزیران راگەیەندراوێک لەبارەی هێرشەکەی سەر هاوینەهەواری پەرەخێ بڵاودەکاتەوە

ئەنجومەنی وەزیران راگەیەندراوێک لەبارەی هێرشەکەی سەر هاوینەهەواری پەرەخێ بڵاودەکاتەوە

كانونی دووه‌م 31, 2023 20:43
ئەنجومەنی وەزیران راگەیەندراوێک لەبارەی هێرشەکەی سەر هاوینەهەواری پەرەخێ بڵاودەکاتەوە
0

لایک

ئەنجومەنی وەزیرانی هەرێم راگەیەندراوێکی لەبارەی تۆپبارانکردنی هاوینەهەواری پەرەخێ بڵاوکردەوە و تیایدا بە توندی ئیدانەی هێرشەکە کراوە.

دەقی راگەیەندراوەکەی ئەنجومەنی وەزیران:

راگەیەندراوێک لە ئەنجومەنی وەزیرانی ھەرێمی کوردستانەوە

تۆپبارانکردنی ھاوینەھەواری پەرەخێ لە سنووری دەرکار لە ئیدارەی سەربەخۆی زاخۆ لە لایەن ھێزەکانی تورکیاوە، بە توندی شەرمەزار دەکەین، کە بە داخەوە بووە ھۆی شەھید و برینداربوونی ژمارەیەک ھاووڵاتی گەشتیار. پرسە و سەرەخۆشی لە بنەماڵەی شەھیدەكان دەكەین و ھیوای چاكبوونەوەی خێراش بۆ بریندارەکان دەخوازین.

لەماوەی رابردوودا، هەرێمی کوردستان چەندین جار لە ناوخۆ و دەرەوەی عێراق، کراوەتە ئامانج و زیانی گیانی و ماددی بەر هاووڵاتییانمان کەوتووە. پێویستە حکومەتی فیدرال و کۆمەڵگەی نێودەوڵەتی، بە شێوەیەکی کاراتر ،ھەوڵی ڕێگریکردن لە دووبارە بوونەوە و کۆتاییهێنان بەم دەستدرێژیانە بدەن.

پێکدادانی هێزەکانی تورکیا و چەکدارانی پەکەکەش لە ناوچە سنوورییەکانی هەرێم، بووەتە سەرچاوەی هەڕەشە و مەترسیی بەردەوام بۆ سەر هاووڵاتییانمان، بۆیە جارێکی دیکەش داوا دەکەین، ھەرێمی کوردستان، لە کێشە و ململانێ ناوچەییەکان دوور بخرێتەوە، بۆ ئەوەی چیتر ھاووڵاتییانی بێ تاوان، نەبنە قوربانی .

ئەنجومەنی وەزیرانی ھەرێمی کوردستان
20 ی تەمموزی 2022