ئەمەریکا: ناتوانین دڵنیایی بدەین لەوەی هێرشەکانی ئێران بۆ سەر هەرێم کۆتاییان هاتووە
  • TEBA KURDİ
  • عێراق
  • ئەمەریکا: ناتوانین دڵنیایی بدەین لەوەی هێرشەکانی ئێران بۆ سەر هەرێم کۆتاییان هاتووە

ئەمەریکا: ناتوانین دڵنیایی بدەین لەوەی هێرشەکانی ئێران بۆ سەر هەرێم کۆتاییان هاتووە

كانونی دووه‌م 31, 2023 20:42
ئەمەریکا: ناتوانین دڵنیایی بدەین لەوەی هێرشەکانی ئێران بۆ سەر هەرێم کۆتاییان هاتووە
0

لایک

کونسوڵخانەی ئەمەریکا لە هەولێر رایگەیاند، حکومەتی ئەمەریکا ناتوانێت هیچ دڵنیاییەک بدات کە ئەو هێرشانە کۆتاییان هاتووە.

ئەمڕۆ پێنجشەممە (29-9-2022)، کونسوڵخانەی ئەمەریکا لە هەولێر هۆشدارییەکی ئەمنی بڵاوکردووەتەوە و رایگەیاندووە، بەردەوامن لە وەرگرتنی راپۆرتی میدیایی لە سەرچاوە ئاشکرا و کراوەکانەوە لەسەر هێرشی بەردەوامی فڕۆکە بێفڕۆکەوان و موشەکی لەلایەن هێزە چەکدارەکانی کۆماری ئیسلامی ئێرانەوە بۆ سەر قەوارە کوردییەکان لە سەرتاسەری هەرێمی کوردستان.

جەختیشیکردووەتەوە: “حکومەتی ئەمەریکا ناتوانێت هیچ دڵنیاییەک بدات کە ئەو هێرشانە کۆتاییان هاتووە”.

کونسوڵخانەی ئەمەریکا لە هەولێر دەشڵێت، رێنمایی گەشتیاری وەزارەتی دەرەوەی ئەمریکا  بۆ عێراق لە ئاستی پلە چوار دەمێنێتەوە کە دەڵێت: گەشت مەکەن بۆ ئەو ناوچەیە بەهۆی بوونی تیرۆر، رفاندن، ململانێی چەکداری، نا ئارامی مەدەنی و توانای سنورداری عێراق بۆ پێشکەشکردنی پشتیووانی بۆ هاووڵاتیانی ئەمریکی.

داواشی لە هاووڵاتیانی ئەمەریکی کردووە لەم شوێنانە دووربکەونەوە:

– لە ناوچە بە ئامانج گیراوەکان: پردێ، کۆیە، زڕگوێز.

– لە ناوچە سنوورییەکان کە ململانێیان تێدایە.

– ووریابوون کاتێک لە دەووروبەری گردبوونەوە و خۆپێشاندانە گەورەکان دەبیت

– خۆت بەدووربگرە لەسەرنجڕاکێشانی ئەوانی دیکە بۆ لای خۆت

– مۆبایل هەڵگرە و لەکاتی پێویستدا پەیوەندی بە هێڵی فریاکەوتنی کونسوڵخانەوە بکە.

– چاودێری میدیای ناوخۆیی بکە بۆ ئاگاداربوون لە دواین زانیارییەکان.