ئەمڕۆ کۆبوونەوەی پەرلەمان بەڕێوەدەچێت؛ ئەو لایەنانەش بەشداری تیادا ناکەن
  • TEBA KURDİ
  • عێراق
  • ئەمڕۆ کۆبوونەوەی پەرلەمان بەڕێوەدەچێت؛ ئەو لایەنانەش بەشداری تیادا ناکەن

ئەمڕۆ کۆبوونەوەی پەرلەمان بەڕێوەدەچێت؛ ئەو لایەنانەش بەشداری تیادا ناکەن

كانونی دووه‌م 31, 2023 20:45
ئەمڕۆ کۆبوونەوەی پەرلەمان بەڕێوەدەچێت؛ ئەو لایەنانەش بەشداری تیادا ناکەن
0

لایک

ئەمڕۆ چوارشەممە پەرلەمانی عێراق کۆدەبێتەوە و دوو بڕگە لە بەرنامەی کاری پەرلەماندایە، یەکەم: هەڵبژاردنی سەرۆککۆمار و دووەمیش پێکهێنانی لێژنە هەمیشەیییەکانی پەرلەمان.

هاوپەیمانیی رزگارکردنی نیشتمان و چوارچێوەی هاماهەنگی بە ئاراستەی جیاواز هەوڵەکانیان چڕکردووەتەوە؛ یەکەمیان بۆ ئامادەبوونی رێژەیی یاسایی بۆ هەڵبژاردنی سەرۆککۆمار و ئەوی دیکەشیان بۆ پەکخستنی پرۆسەکە.

لەمبارەیەوە، عیسام حوسێن، ئەندامی رەوتی سەدر رایگەیاند، “زۆر لە ئەندامانی سەربەخۆ خوازیارن خزمەتی ئەم وڵاتە بکەن، ئەوان دژی سازان و پشک پشکێنەن، بەمهۆیەوە هەبوونی گفتوگۆ لەگەڵ ئەو ئەندامە سەربەخۆیانە، رەنگە ببێتەهۆی تەواوکردنی رێژەی یاسایی کۆبوونەوەکە”.

بەنزیکەیی 40 پەرلەمانتار خۆیان وەک سەربەخۆ ناساندووە، کەچی یەک هەڵوێست نین و ژمارەیەکیان بەشداری کۆبوونەوەکە دەبن، بەشێکی دیکەشیان ئاماژەبەوە دەکەن کە بایکۆتی کۆبوونەوەکە دەکەن.

کۆبوونەوەکەی پەرلەمانی عێراق بۆ هەڵبژاردنی سەرۆککۆمار پێویستی بە 220 پەرلەمانتار هەیە لەکۆی گشتی 329 پەرلەمانتار.