سەرچاوەیەک لە ئەنجومەنی سەرکردایەتی یەکێتی نیشتیمانی بە میدیا ناوخۆییەکانی راگەیاند، ئەمڕۆ یەكشەممە 28-08-2022 کاتژمێر 11ـی پێشنیوەڕۆ لە بارەگای ئەنجومەنی سەرکردایەتی لەنێو مەکتەبی سیاسی ئەنجومەنی سەرکردایەتی یەکێتی کۆدەبێتەوە.
سەرچاوەکە وتیشی، کۆبوونەوەکە بە شێوەیەکی سەرەکی بۆ گفتوگۆکردنە لەسەر دۆخی نێوخۆی یەکێتی و رەنگە بڕیار لەسەر هەڵوەشاندنەوەی سیستهمی هاوسەرۆکایەتی بدرێت و بڕیار و پێشنیازەکانی دیداری یەکێتی جێگیر دەکرێن.
لە کۆبوونەوەکە ئەنجومەنی سەرکردایەتی یەکێتی نیشتیمانی کوردستان، دۆخی عێراق و هەرێم و دواین پێشهاتەکانی دۆخی سیاسی عێراق تاووتوێ دەکرێت و هەڵوێستی یەکێتی لەوبارەوە دەخرێتەڕوو.
ئەم کۆبوونەوەیەی یەکێتی دوای ئەوەدێت کە ئێوارەی رۆژی شەممە 27-08-2022، د. فوئاد حوسێن، سەرۆکی لێژنەی دانوستاندنکاری پارتی بۆ پێکهێنانی حکومەتی عێراق سەردانی سلێمانی کرد و لەگەڵ بافڵ تاڵەبانی، سەرۆکی یەکێتیی نیشتمانیی کوردستان کۆبووەوە.
ئامانج لە کۆبوونەوەکەی بافڵ تاڵەبانی و د. فوئاد حوسێن تاوتوێکردنی هەنگاوەکانی پڕۆسەی پێکهێنانی حکومەتی نوێی عێراق، دۆخی هەرێم و زیادبوونی هەماهەنگییەکان لەنێوان پارتی و یەکێتی بۆ قۆناخی داهاتوو.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
