باڵیۆزی ویلایەتی یەکگرتوەکانی ئەمریکا لەعێراق رایگەیاند، واشنتن هێرشکردنەسەر شاری هەولێر سەرکۆنە دەکات و بەهۆی ئەوەی “ئێران بەرپرسیاریەتی خۆی لە هێرشەکە راگەیاندووە، پێویستە تاران لەسەر هێرشەکە سزابدرێت”.
ماتیۆ تولەر، باڵیۆزی ویلایەتی یەکگرتوەکانی ئەمریکا لەعێراق ئەمڕۆ یەکشەممە لەراگەیەنراوێکدا باسی لەوەشكردووە، ویلایەتی یەکگرتوەکانی ئەمریکا هێرشکردنەسەر شاری هەولێر سەرکۆنە دەکات و “ئێران بەرپرسیاریەتی خۆیان لە هێرشەکە راگەیاندووە، بۆیە دەبێت لەسەر ئەو پێشێلکارییە لێپرسینەوەیان لەگەڵدا بکرێت”.
ئەوەش هاتووە، پێویستە “ئێران سزای ئەو پێشێلکارییە روونە وەربگرێت کە کردییەسەر سەروەریی عێراق و خەڵکی بێتاوان”.
شایەنی باسە وەزارەتی ناوخۆی هەرێم رایگەیاند، شەوی 12/13-03-2022 پاش کاتژمێر 01:00ی بەرەبەیان، 12 موشەکی دورمەودای بالیستی لە سنورەکانی دەرەوەی عێراق، لە رۆژهەڵاتەوە ئاراستەی باڵەخانەی نوێی کونسوڵخانەی ئەمریکی لە هەولێر کران. سوپای پاسدارانی ئێران بەرپرسیاریەتی هێرشەکەی لە ئەستۆگرت.
1
بەربەستەکانی دەوروبەری کەعبەی پیرۆز لادەبرێن
2
گۆڕانکاری کۆیلایەتی لە رابردووەوە تاوەکو ئەمڕۆ
3
“رەنگە لە زستانی ئەمساڵدا لە بەریتانیا رۆژانە سێ کاتژمێر پچڕانی کارەبا رووبدات”
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
