ئەمریکا داوا لە ئێران دەکات هێرشەکانی بۆسەر هەرێمی کوردستان رابگرێت
  • TEBA KURDİ
  • رۆژەڤ
  • ئەمریکا داوا لە ئێران دەکات هێرشەکانی بۆسەر هەرێمی کوردستان رابگرێت

ئەمریکا داوا لە ئێران دەکات هێرشەکانی بۆسەر هەرێمی کوردستان رابگرێت

كانونی دووه‌م 31, 2023 20:40
ئەمریکا داوا لە ئێران دەکات هێرشەکانی بۆسەر هەرێمی کوردستان رابگرێت
0

لایک

ئەمریکا جارێکی دیکە لەسەر زنجیرە هێرشە مووشەکی و درۆنییەکانی ئێران بۆسەر هەرێمی کوردستانی عێراق هاتە دەنگ و داوای لە ئێران کرد ئەو هێرشانە رابگرێت.

رۆژی 22ـی تشرینی دووەمی 2022، نێد پرایس، وتەبێژی وەزارەتی دەرەوەی ئەمریکا لە راگەیەندراوێکدا سەرکۆنەی هێرشەکانی ئەم چەند رۆژەی دوایی ئێرانی بۆ سەر هەرێم کرد.

وتەبێژی وەزارەتی دەرەوەی ئەمریکا لەمبارەیەوە دەڵێت، “پێشێلکارییەکانی ئێران بۆ سەر یەکپارچەیی خاکی عێراق بە هێرشە کوشندەکان بەردەوامن کە لە رۆژانی 20 تاکو 22ـی ئەم مانگە بۆسەر هەرێمی کوردستانی عێراق ئەنجامدراون”.

ئەوەش هاتووە، “ویلایەتە یەکگرتووەکان بە توندی سەرکۆنەی ئەم پێشێلکارییە دووبارە و بێ شەرمانەیەی سەر یەکپارچەیی خاکی عێراق دەکات و داوا لە ئێران دەکات خۆی لە هەڕەشە و توندوتیژی زیاتر بەدوور بگرێت”.

رۆژی سێشەممە 22-11-2022، محەمەد پاکپوور، فەرماندەی هێزی زەمینی سوپای پاسدارانی کۆماری ئیسلامیی ئێران رایگەیاند، قۆناغێکی نوێی ئۆپەراسیۆنی سوپای وڵاتەکەی بۆسەر پێگە و بارەگاکانی حیزبەکانی رۆژهەڵات لە هەرێم دەستیپێکردووە.