سەرۆککۆماری تورکیا رەجەب تەیب ئەردغان سەردانی رووسیا دەکات و لەگەڵ سەرۆکی رووسیا ڤلادمیر پوتین کۆدەبێتەوە.
بەپێی هەواڵێکی ئاژانسی ئانادۆڵوی تورکی، رەجەب تەیب ئەردۆغان، سەرۆککۆماری تورکیا لەسەر بانگێشتی ڤلادیمیر پوتین، سەرۆکی رووسیا سەردانی رووسیا دەکات و دەربارەی نوێترین پێشهاتەکانی ناوچەکە و جیهان دەدوێن.
هاوکات فەرمانگەی پەیوەندییەکان لە سەرۆکایەتی کۆماری تورکیا راگەیەندراوێکی بڵاوکردووەتەوە و تیایدا هاتووە، “جەنابی سەرکۆماری وڵاتەکەمان لە میانی کۆبوونەوەی لەگەڵ هاوتا رووسیاییەکەی، باس لە پەیوەندییەکانی نێوان تورکیا-رووسیا و نوێترین پێشهاتەکانی ناوچەکە و جیهان دەکات”.
بەرلە سەردانەکەی سبەی سەرۆککۆماری تورکیا رەجەب تەیب ئەردۆغان بۆ شاری سۆچی و کۆبوونەوەی لەگەڵ سەرۆکی رووسیا، ڤلادیمیر پوتین لە میانی کۆبوونەوەکەی ئەنجوومەنی ئاسایشی رووسیادا، باس لە پەیوەندییەکانی نێوان تورکیا-رووسیا و نوێترین پێشهاتەکانی ناوچەی قەرەباغ-ی ئازەربایجان، کران.
لەوبارەیەوە دمیتری پێسکۆڤ، وتەبێژی کرملین ئەمڕۆ لە راگەیەندراوێکدا ئەوەی ئاشکرا کرد کە لە کۆبوونەوەکەی سبەی ئەردۆغان و پوتین-دا، گفتوگۆ لەسەر دوایین پێشهاتەکانی ناوچەی قەرەباغ دەکرێت.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
5
پاکستان… لە رووداوێکی هاتووچۆدا نزیکەی 60 کەس بوونە قوربانی
