بەهۆی هێرشی مووشەکی ئێران بۆ سەر بارەگاکانی حزبی دیموکراتی کوردستانی ئێران لە کۆیە شەهید و بریندار هەن.
سامان بەرزنجی، وەزیری تەندروستیی هەرێم بە میدیا ناوخۆییەکانی راگەیاندووە، “تاکو ئێستا هەشت بریندار و یەک شەهید گەیشتوونەتە نەخۆشخانەکان”.
بەپێی زانیارییە سەرەتاییەکان، سەر لەبەیانی ئەمڕۆ پێنج مووشەک لەلایەن کۆماری ئیسلامی ئێرانەوە ئاراستەی کۆیە کراون، و پێدەچێت هێرشەکە بە مووشەکی ئاراستەکراو ئەنجامدرابێت، چونکە هیچ درۆنێک لە ئاسمانی کۆیە نەبینراوە.
جێی باسە، هەر پێنج مووشەک بەر بارەگای حزبی دیموکرات کەوتوون.
