ئه‌مڕۆ پێنجشه‌ممه، وه‌زاره‌تی به‌رگری رووسیا رایگه‌یاند، له‌سه‌ر بنه‌مای ئازادكردنی 50 سه‌ربازی وڵاته‌كه‌یان له‌لایه‌ن هێزه‌كانی ئۆكرانیاوه، ئاماده‌یی ئاڵوگۆڕپێكردنی 100 دیلی جه‌نگیان بۆ كیێڤ ده‌ربڕیوه و له به‌رامبه‌ریشدا به‌رپرسانی ئۆكرانیا هەڵوێستی ئەرێنیان بۆ ئه‌و هه‌نگاوه ده‌ربڕیوه.
وه‌زاره‌تی به‌رگری رووسیا له راگه‌یه‌ندراوێكدا بڵاویكرده‌وه، به به‌رپرسانی ئۆكرانیایان راگه‌یاندووه كه له‌سه‌ر ئاڵوگۆڕپێكردنی دیله‌كانیان رێككه‌وتنێک بكه‌ن و له شێوێنێكی دیاریكراودا ئه‌و كاره ئه‌نجام بده‌ن.
ئاماژە بەوەشکراوە، به‌رپرسانی ئۆكرانیا 50 سه‌ربازی وڵاته‌كه‌یان ئازادكردووه و له‌سه‌ر ئه‌و بنه‌مایه‌ش ئاماده‌ن 100 دیلی جه‌نگ ئاڵوگۆڕپێبكه‌ن.
ئاندری یێرماک، به‌رپرسی نووسینگه‌ی سه‌رۆكایه‌تی ئۆكرانیا رایگه‌یاند، وڵاته‌كه‌یان به‌شێوه‌یه‌كی فه‌رمی دوو ئۆفه‌ر و ئازادكردنی 48 سه‌ربازی به‌دیلگیراوی وڵاته‌كه‌یان له‌لایه‌ن رووسیاوه پێگه‌یشته‌وه.
وتیشی، “له به‌ره‌كانی پێشه‌وه‌ی جه‌نگ توانیمان به‌شێوه‌یه‌كی گشتی 19 به‌رگریكاری نێو كارگه‌ی ئاله‌منیۆمی ماریۆپۆڵ رزگاربكه‌ین و 15 دیلی ناو وێستگه‌ی ئه‌تۆمی چێرنۆبڵ و حه‌وت دیلی دیكه‌ش كه له دورگه‌ی زیمی ده‌ستبه‌سه‌ر كرابوون بگێڕینه‌وه”.
1
گۆڕانکاری کۆیلایەتی لە رابردووەوە تاوەکو ئەمڕۆ
2
بەربەستەکانی دەوروبەری کەعبەی پیرۆز لادەبرێن
3
ئەمریکا: ژنانی ئێران تەنها لە پێناوی شکۆی خۆیاندا خۆپیشاندان دەکەن
4
پاکستان… لە رووداوێکی هاتووچۆدا نزیکەی 60 کەس بوونە قوربانی
5
نیگەرانییەکانی بەدەستهێنانی وزە لە ئەوڕووپا بەردەوامە و وڵاتەکان چ رێوشوێنێکیان گرتووەتەبەر؟
