وه‌زاره‌تی دارایی و ئابووری حكومه‌تی هه‌رێم له دابه‌شكردنی مووچه‌ی مانگی ته‌مووز به‌رده‌وامه.
به‌پێی خشته‌ی بڵاوكراوه‌ی وه‌زاره‌تی دارایی دوێنێ و ئه‌مڕۆ دووشه‌ممه 14و 15-08-2022، مووچه‌ی مانگی ته‌مووزی خانه‌نشینی شارستانی دابه‌شده‌كرێت.
بۆ سبه‌ی سێشه‌ممه 16-08-2022، مووچه‌كانی هه‌ریه‌ک له وه‌زاره‌ته‌كانی، ئاوه‌دانكردنه‌وه، رۆشنبیری و لاوان، كاره‌با دابه‌شده‌كرێت.
وه‌زاره‌تی دارایی، رۆژی دووشەممە 1ـی ئابی 2022 دەستی بەدابه‌شکردنی مووچە كرد و له‌ده‌ستپێكیشدا ته‌ندروستی وه‌ریگرت، رۆژی20ی ئابیش بە دابەشکردنی مووچەی خانەنشینی پێشمەرگە پرۆسەکە کۆتایی دێت.
