ئه‌مڕۆ رووسیا و ئۆكرانیا رێكه‌وتنی هه‌نارده‌ی دانه‌وێڵه‌ بۆ جیهان له‌ ئیستانبوڵ واژوو ده‌كه‌ن
  • TEBA KURDİ
  • جیهان
  • ئه‌مڕۆ رووسیا و ئۆكرانیا رێكه‌وتنی هه‌نارده‌ی دانه‌وێڵه‌ بۆ جیهان له‌ ئیستانبوڵ واژوو ده‌كه‌ن

ئه‌مڕۆ رووسیا و ئۆكرانیا رێكه‌وتنی هه‌نارده‌ی دانه‌وێڵه‌ بۆ جیهان له‌ ئیستانبوڵ واژوو ده‌كه‌ن

كانونی دووه‌م 31, 2023 20:43
ئه‌مڕۆ رووسیا و ئۆكرانیا رێكه‌وتنی هه‌نارده‌ی دانه‌وێڵه‌ بۆ جیهان له‌ ئیستانبوڵ واژوو ده‌كه‌ن
0

لایک

ئەمڕۆ هەینی رێوڕەسمی واژووکردنی رێککەوتنی گواستنەوەی دانەوێڵە لە ئیستانبوڵ بەڕێوەدەچێت.

بەپێی ئەو راگەیەندراوەی کە لە سه‌رۆكایه‌تی پەیوەندییەکان له‌ سەرۆکایەتی کۆماری تورکیا بڵاو کراوەتەوە، ئەمڕۆ هەینی کاتژمێر ١٦:٣٠ رێوڕەسمی واژووکردنی رێککەوتننامه‌ی گواستنەوەی دانەوێڵە بە بەشداریی لایەنەکانی ئۆکراینا و رووسیا، سەرۆککۆماری تورکیا، رەجەب تەیب ئەردۆغان و سکرتێری گشتیی نەتەوەیەکگرتووەکان، ئەنتۆنیۆ گوتێرێس لە کۆشکی دۆڵمه‌باخچه‌ لە ئیستانبوڵ بەڕێوەدەچێت.

له‌ 13ـی ئه‌م مانگه‌دا‌، به‌ به‌شداری  به‌رپرسانی ئۆكرانی، رووسی و نه‌ته‌وه‌یه‌كگرتووه‌كان، توركیا میوانداری كۆبوونه‌وه‌یه‌كی سه‌ربازی كرد، تێیدا گفتوگۆ له‌باره‌ی هه‌نارده‌كردنی دانه‌وێڵه‌ی ئۆكرانی بۆ جیهان كرا.

له‌سەرەتای هه‌ڵگیرسانی جه‌نگی ئۆكرانیا، نرخی دانه‌وێڵه‌ له‌ جیهان به‌رزبووه‌ته‌وه‌، به‌هۆكاری ئه‌وه‌ی ئۆكرانیا سه‌رچاوه‌ی دانه‌وێڵه‌ی جیهانه‌.

ئه‌م رێكه‌وتنه‌ بۆ ده‌رهێنانی بیست ملیۆن تۆن دانه‌وێڵه‌ی ئۆكرانیایه‌ له‌ رێگه‌ی به‌نده‌ره‌كانیه‌وه‌ بۆ جیهان، ئه‌مڕۆ له‌ توركیا واژوو ده‌كرێت.