وته‌بێژی وه‌زاره‌تی ده‌ره‌وه‌ی ئه‌مریكا داوای له هێزه سیاسییه‌كان كرد، رێگه‌یه‌كی ئاشتیانه و گشتگیر بدۆزنه‌وه بۆ ده‌ربازبوون له‌و چه‌قبه‌ستوییه سیاسییه‌ی ئێستا و رایگه‌یاند، “ئه‌مریكا پشتگیری له دیالۆگێكی فراوان و گشتگیر ده‌كات بۆ دروستكردنی رێگایه‌كی هاوبه‌ش به‌ره‌و داهاتوو“.
نێد پرایس وته‌بێژی وه‌زاره‌تی ده‌ره‌وه‌ی ئه‌مریكا له‌ڕاگه‌یه‌ندراوێكدا بڵاویكرده‌وه، “ساڵێک له‌مه‌وبه‌ر عێراقییه‌كان له هه‌ڵبژاردنی پێشوه‌خته‌ی باوه‌ڕپێكراودا ده‌نگیاندا به‌و هیوایه‌ی كه ئه‌نجامه‌كه‌ی حكومه‌تێک بێت كه ره‌نگدانه‌وه‌ی ئیراده‌ی گه‌لی عێراق بێت، له‌و كاته‌وه سه‌ركرده‌كانی عێراق نه‌یانتوانیوه ناكۆكییه سیاسییه‌كانیان چاره‌سه‌ر بكه‌ن، ئه‌مریكا پشتگیری له دیالۆگێكی فراوان و گشتگیر ده‌كات بۆ دروستكردنی ڕێگایه‌كی هاوبه‌ش به‌ره‌و داهاتوو”.
راشیگه‌یاندوه، “ئێمه له‌گه‌ڵ هاوڕێ عێراقیه‌كانمانداین و دووپاتیده‌كه‌ینه‌وه كه تووندووتیژی قبوڵكراو نییه، هه‌روه‌ها داوا له هه‌مو لایه‌نه‌كان ده‌كه‌ین رێگه‌یه‌كی ئاشتیانه و گشتگیر بدۆزنه‌وه بۆ ده‌ربازبوون له‌و چه‌قبه‌ستوییه سیاسییه‌ی ئێستا”.
1
مەرجەکانی وەرگرتن لە کولێژی سەربازی ئاشکرا دەکرێت
2
خشتەی تاقیکردنەوەی نیشتمانی بۆ پۆلی 9ـی بنەرەتی راگەیەندرا
3
وەزارەتی خوێندنی باڵا رێنمایی بۆ خوێندنی دیپلۆمی باڵا، ماستەر و دکتۆرا دەردەکات
4
“ژیانی کەم ئەندامان لە کوردستان یەکسانە بە دۆزەخ”
5
یەکەم تابلۆی ئۆتۆمبێل لەسەر سیستەمی نوێ لە سلێمانی چاپ کرا
