ئایدن مەعروف: چەند سایت و ماڵپەڕێک دەیانەوێت ناوی بەرەی تورکمانی ئاوێتەی ململانێ سیاسییەکان بکەن
  • TEBA KURDİ
  • عێراق
  • ئایدن مەعروف: چەند سایت و ماڵپەڕێک دەیانەوێت ناوی بەرەی تورکمانی ئاوێتەی ململانێ سیاسییەکان بکەن

ئایدن مەعروف: چەند سایت و ماڵپەڕێک دەیانەوێت ناوی بەرەی تورکمانی ئاوێتەی ململانێ سیاسییەکان بکەن

كانونی دووه‌م 31, 2023 20:43
ئایدن مەعروف: چەند سایت و ماڵپەڕێک دەیانەوێت ناوی بەرەی تورکمانی ئاوێتەی ململانێ سیاسییەکان بکەن
0

لایک

ئایدن مەعروف، ئەندامی مەکتەبی سیاسی بەرەی تورکمانی عێراقی، رایگەیاندوە؛ لەچەند سایت و ماڵپەڕێکدا هەواڵێکی چەواشەکارانە بڵاوکراوەتەوە کە مەبەستیانە ناوی بەرەی تورکمانی ئاوێتەی ململانێ سیاسییەکان بکەن.

ئایدن مەعروف لە پەرەی تایبەتی خۆی لە فەیسبووک راگەیەندراوێکی لەو بارەیەوە بڵاوکردۆتەوە و ئاماژەی بەوەکردووە، “وەکو بەرەی تورکمانی عێراقی هیچ کاتێک نەبووین بە لایەنگر لەنێوان پارتە سیاسییەکان لە کێشمە کێشی سیاسییاندا و هەمیشە پاڵپشتیمان لە ئاشتی و برایەتی و پێکەوەژیان کردووەتەوە”.

دەقی راگەیەندراوی ئایدن مەعروف:

لەچەند سایت و ماڵپەڕێکدا هەواڵێکی چەواشەکارانە بڵاوکراوەتەوە کە مەبەستیانە ناوی بەرەی تورکمانی ئاوێتەی ململانێ سیاسییەکان بکەن.

لێرەوە دەمانەوێت ئەم روونکردنەوەیە بە رای گشتی رابگەیەنین:

رۆژی ۲ـی ئەیلوولی هەموو ساڵێک رۆژی شەهیدانی شاری هەولێرە و بە رێز و نەوازشەوە یادیان دەکەین.

وەکو بەرەی تورکمانی عێراقی هیچ کاتێک نەبووین بە لایەنگر لەنێوان پارتە سیاسییەکان لە کێشمە کێشی سیاسییاندا و هەمیشە پاڵپشتیمان لە ئاشتی و برایەتی و پێکەوەژیان کردووەتەوە. چەواشەکاری و خراپ بەکارهێنانی ناوی لایەنە سیاسییەکان دیاردەیەکی ناشرینە و خزمەت بە هیچ لایەنێکی سیاسی ناکات.