ئایدن مەعروف: پێویستە کورسی کۆتای تورکمان لە 5 کورسییەوە بۆ 7 کورسی زیاد بکرێت
  • TEBA KURDİ
  • عێراق
  • ئایدن مەعروف: پێویستە کورسی کۆتای تورکمان لە 5 کورسییەوە بۆ 7 کورسی زیاد بکرێت

ئایدن مەعروف: پێویستە کورسی کۆتای تورکمان لە 5 کورسییەوە بۆ 7 کورسی زیاد بکرێت

كانونی دووه‌م 31, 2023 20:44
ئایدن مەعروف: پێویستە کورسی کۆتای تورکمان لە 5 کورسییەوە بۆ 7 کورسی زیاد بکرێت
0

لایک

وەزیری هەرێم بۆ کاروباری پێکهاتەکان رایگەیاند، بەم دواییانە بۆچوونی جیاواز لەبارەی سیستەمی کۆتا لە پەرلەمانی کوردستانی عێراق هەیە و پێویستە کورسی کۆتاکان لە 11 کورسییەوە بۆ 15 کورسی بەرزبێتەوە.

لەمیانی کۆنفرانسێکی رۆژنامەوانیدا ئایدن مەعروف، وەزیری هەرێم بۆ کاروباری پێکهاتەکان لە حکومەتی هەرێمی کوردستانی عێراق ئاماژەی بەوە کرد کە لە ئەنجامی کۆبوونەوەکان لەگەڵ نوێنەری پێکهاتە جیاوازەکان، گەیشتوونەتە بۆچوونێکی هاوبەش و ئاماژەیان بە هەڵبژاردنی داهاتوو، سیستەمی کۆتا و رۆڵی پێکهاتەکان لە گۆڕەپانی سیاسی داوە.

شایەنی باسە وەزیری هەرێم بۆ کاروباری پێکهاتەکان باسی لەوەش کرد کە دەبوو تورکمان و مەسیحییەکانیش لە کۆبوونەوەکەی سەرۆکایەتی هەرێم کە نوێنەرنی نەتەوە یەکگرتووەکان لە عێراق بەشداریکردبوو، بەشداربن و پێویستە لە کۆبوونەوەکانی داهاتوودا پێکهاتەکانیش بەشداربن.

لەبارەی ئەنجامدانی هەڵبژاردنەکان کە بڕیار وایە لە 1ـی مانگی تشرینی یەکەم ئەنجام بدرێت، وتی، “داواکاری پێکهاتەکان ئەوەیە کە بە یەک بازنە بەشداریی هەڵبژاردنەکان بکرێت. کاریگەریی دیکەش هەیە لەسەر دەنگدانی تایبەت، پێویستە کۆتاکان لەدەرەوەی دەنگدانی تایبەت بن”.

هەروەها لەمیانی کۆنفرانسە رۆژنامەوانییەکەدا ئایدن مەعروف ئاماژەی بەوەشکرد کە گرنگە نوێنەری راستەقینەی تورکمان و پێکهاتەکانی دیکە لە کۆمیسیۆن هەبن و هەروەها جەختی لەوەکردەوە کە پێویستە کورسی کۆتاکان لە 11 کورسییەوە بۆ 15 کورسی و کۆتای تورکمانیش لە 5 کورسییەوە بۆ 7 کورسی بەرز بکرێتەوە.